Еңбек Қызыл Ту Орденінің Бүкілодақтық В. И. Ленин атындағы «Артек» пионерлік лагері жолдамасы, 1963 ж.
«Артек» – Қырымның оңтүстік жағалауындағы Халықаралық балалар лагері, 1925 жылы 16 маусымда ашылды. 1925 жылы лагерьдің бірінші ауысымында Мәскеу мен Қырымнан 80 пионер демалды. Балалар төрт кенеп шатырда тұрып, шатыр астындағы асханада тамақтанды. 60-шы жылдардың басынан бастап лагерь қайта құрылды, ал 1969 жылға қарай Артекте 150 ғимарат, үш медициналық орталық, мектеп, киностудия, үш бассейн, стадион және бірнеше ойын алаңдары болды. Кеңес заманында «Артекке» жолдама балалар үшін беделді сыйлық болып саналды. Жолдамаларға әртүрлі критерийлер бойынша таңдалған ең жақсы пионерлер ие болды. 1925-1969 жылдар аралығында лагерь 300 мың баланы қабылдады, оның ішінде шет елдерден келген 13 мыңнан астам бала.
