Әлеуметтік тұрғыдан қорғалмаған тұрғындарды қолдау мақсатында акцияларға қатысу туралы
Жыл сайын Өскемен қаласының білім беру ұйымдары әлеуметтік тұрғыдан қорғалмаған тұрғындарды қолдау мақсатында түрлі акцияларға қатысады.
2019 жылдың қаңтар-ақпан айларында ата-аналар қоғамдастығы мен мектептерінің педагогтары көп балалы, аз қамтылған және тұрмысы төмен отбасыларға азық-түлік, көмір, отын және басқа да қажетті заттарға көмектесті. Осы жанұялардың 4209 балаларына 12 295,602 мың теңге көлемінде көмек көрсетілді.
Сондай-ақ, қаланың барлық мектептері сәбилер үйінің, балалар үйінің, Үлбі орталығының, Крупская атындағы интернаттың тәрбиеленуші балаларына үнемі әлеуметтік көмек көрсетуге қатысады. Өмірлік отбасылық қиын жағдайға тап болған жанұяларға көмек көрсету жұмыстары жалғастырылады.