«Негізгі және қосымша білім беруді интеграциялау жағдайында ерекше білім берілуіне қажеттілігі бар балалар үшін білім беру ортасын құру» атты семинар
2021 жылғы 14 сәуірде Шығыс Қазақстан облысы Өскемен қаласының білім беру бөлімінің жоспары бойынша ШҚО ББ Өскемен қаласы бойынша білім беру бөлімінің "№ 19 қосымша білім беру мектеп-орталығы" КММ жұмыс жүйесінің тәжірибесін тарату бойынша "Негізгі және қосымша білім беруді біріктіру жағдайында ерекше білім берілуіне қажеттілігі бар балаларға білім беру ортасын құру" тақырыбы бойынша онлайн семинар өткізілді.
Семинарға қала мектептерінің қосымша білім беру педагогтері, оқу-тәрбие ісі жөніндегі орынбасарлары, психологтар, мүмкіндігі шектеулі балаларға арналған арнайы (түзету) ұйымдарының мұғалімдері шақырылды, алайда бұл тақырып республиканың көптеген өңірлерінен, атап айтқанда Алматы, Қарағанды, Нұр-Сұлтан, Семей, Павлодар және т.б. қалаларынан арнайы мектеп-интернаттардың әріптестерінің үлкен қызығушылығын тудырды. Осылайша, қалалық онлайн семинар республикалық іс-шара аясында өтті.
Семинардың мақсаты: негізгі және қосымша білім беруді біріктіру жағдайында жалпы білім беретін мектепте оқитын ерекше білім берілуіне қажеттілігі бар балалармен жұмыс тәжірибесін ұсыну. Семинардың міндетіне мүмкіндігі шектеулі балаларға арналған негізгі және қосымша білім беруде оқу-тәрбие үдерісін ұйымдастырудың ерекшеліктерін ашу, сондай-ақ семинарға қатысушыларды Шығыс Қазақстан облысы білім басқармасы Өскемен қаласы бойынша білім бөлімінің «№ 19 мектеп-қосымша білім беру орталығы» КММ инклюзивті білім беру ортасының моделі мысалында педагогтердің жұмысындағы түзету бағытындағы әртүрлі формалар мен әдістермен таныстыру кірді.
Қатысушыларға көру және тірек-қимыл аппараты бұзылған балаларды оқыту бойынша бейне шеберлік кластары ұсынылды (саз терапиясы, гитарада ойнауды, Брайль қарпі бойынша жазуды және оқуды үйрету, хореография, сәндік-қолданбалы өнер). Әрбір жетекші өткен жылы жинақтаған тәжірибелерін шеберлік класпен көрсетіп қана қоймай, сабақтың үзінділері түріндегі соңғы әдістемелік және практикалық материалдармен таныстырды.
Семинар белсенді түрде өтті, әріптестердің пікірлерінде педагогикалық ұжымның қызметі мен балалардың жетістіктеріне оң баға берілді, барлық әдістемелік материалдар онлайн семинардың чатына ұсынылды. Соңында тыңдаушылар ұйымдастырушыларға, ШҚО білім басқармасына, Өскемен қаласының білім бөліміне, мектеп директоры Кайрат Фазылович Кикбаевқа және сөз сөйлеуші педагогтарға алғыстарын білдіріп, олардың жоғары кәсіби деңгейін атап өтті. Арнайы және инклюзивті білім беруді дамытудың ұлттық ғылыми-практикалық орталығының (Алматы қ. АИБД ҰҒПО) мектепке дейінгі және мектептегі білім беру зертханасының меңгерушісі Ирина Геннадьевна Елисеева семинар нәтижелері бойынша педагогикалық ұжымға және республикалық деңгейде тәжірибені тарату шеңберінде жалпы білім беретін мектептердің педагогтеріне инклюзивті оқытуды ұйымдастыру бойынша көмек ретінде материалдар жинағын жариялауға тілек білдірді, сондай-ақ семинар материалдарын АИБД ҰҒПО сайтына орналастыруды ұсынды https://special-edu.kz
